خبيرة الأبراج بسنت يوسف تستقرئ موعد نهاية فيروس كورونا وأحداث عالمية في 2020

أخبار الإقتصاد الثقافة والفنون عالمية

في برنامج الحكاية عرض الإعلامى عمرو أديب فيديو قديم لخبيرة الأبراج بسنت يوسف فى 2019، تتنبأ بحدوث كارثة طبيعية تؤثر على اقتصاد دول عظمى.

حاجات كتيره في بلدان العالم

وعلقت بسنت يوسف خبيرة الأبراج، على صدق نبوءتها في العام الجديد وما يحدث من كوارث، قائلة: “هى عبارة عن جداول يتم العودة إليها، وهو نفس السيناريو اللي حصل عام 1918 في الأنفلونزا الإسبانية، وأنها بدأت من الصين واتهمتها الولايات المتحدة الأمريكية، وأنا مش قلقانة تماماً، لأن الفترات اللى جاية هنشوف فيها حاجات كتير في بلدان العالم، وبالنسبة لنا الوضع هيفضل تحت السيطرة، وبلاش نثق إذا الدنيا هديت”.

سنة 2020 هتخلص 20 ديسمبر

وأضافت بسنت يوسف، خلال مداخلة هاتفية مع عمرو أديب برنامج الحكاية قناة mbc مصر: “أتمنى موضوع فيروس كورونا هو اللى يفضل معانا لآخر السنة، لكن احتمال موضوع كورونا يهدى وممكن نشوف شهر ونصف أو شهرين الأجواء هادئة، وفجأة الموضوع يظهر بشكل أسوأ من الأول، علشان كدة بقول منطمنش، وبؤكد أن العالم كله هيفضل مشغول بفيروس كورونا لحد شهر ديسمبر، وأعتقد أن سنة 2020 هتخلص بنهاية شهر ديسمبر، لكن بعد كده هتحصل مفاجآت كتير، لأن كل اللي حصل ده هو وجود الكواكب في برج الجدى”.

الزاوية اللي هتحصل في 20 ديسمبر دي محصلتش من 600 سنة

وقالت خبيرة الأبراج: “حتى لو انتهى موضوع كورونا، النظام الدفاعي الحقيقي في الفترة اللي بعد كورونا هتبقى الاهتمام بأجهزة المناعة، لأن اللي هيجي بعد فيروس كورونا هيبقى حاجة صعبة وهتستهدف جهاز المناعة، وبقول أننا مش هنرجع لحياتنا الطبيعية دي تاني، والزاوية اللي هتحصل في 20 ديسمبر دي محصلتش من 600 سنة، وبعدها كل حاجة في العالم هتتغير، حياة جديدة هتظهر، واللي كان بيتقبل مش هيتقبل، وأنظمة دول كبيرة جدا هتتغير وهنشوف عالم تانى خالص، وهذا الحدث سيستمر لمدة 20 عاما مقبلاً”.

شارك رابط الموضوع
منال عبد الحميد
منال عبد الحميد

د/منال عبد الحميد رئيس مجلس الإدارة ورئيس التحرير لمجلة المصدرون.